სასტუმრო მენეჯმენტი

თემა 5

სასტუმროების ოპერირება: ოთახების მიმართულება

სასტუმროს ფრონტ–ოფისი განიხილება როგორც „ნერვული ცენტრი“, “ტვინი“. ფრონტ–ოფისის საქმიანობა, პერსონალის მოვალეობები და ვალდებულებები, განსხვავებულია  სხვადასხვა სასტუმრო კომპანიებში, ბაზრის სეგმენტაციის, ორგანიზაციული სტრუქტურის,  კორპორატიული ფილოსოფიისა +და ინდივიდუალური ლიდერობის საფუძველზე.

ტიპიური ფრონტ–ოფისის შემადგენლობაში შედის:

·         ფრონტ–დესკი  

·         დაჯავშნის სამსახური

·         კომუნიკაციის სამსახური

·         კონსიერჟი

·         უნიფორმიანების სამსახური (შვეიცარი, bell-boy - ბიჭი გამოძახებით).

 ფრონტ-ოფისის მენეჯერის საქმიანობა

          სასტუმროს ფოიეში არსებული ატმოსფერო ხშირად აინტრიგებს სასტუმრო მენეჯმენტის სტუდენტებს. აქ სხვადასხვა მიმეზით მოსულ ყველანაირ ადამიანს შეხვდები. შეკითხვები ჩამოსვლის თაობაზე, ტარიფების, სურსათითა და სასმელით მომსახურებაზე, სატრანსპორტო მომსახურებაზე, ან მენეჯმენტის სტაფის შესახებ და სხვ. რაც ხშირად უსაშველოდ დამქანცავად მოგეჩვენებათ. პროფესიონალს, რომელიც ისახავს მიზნად სასტუმროს გენერალურ მენეჯერობას, და იმედოვნებს, რომ მისი მუშაობა ფრონტ–ოფისის მენეჯერის თანამდებობაზე გაივლის სწრაფად, აღმოაჩენს, რომ ეს როლი გამომწვევია.

       სასტუმროს ფრონტ–ოფისის მენეჯერის საქმიანობა ფასდება კომუნიკაციებით, სამუშაოს გაადვილებით, ორგანიზაციული თანამშრომლობით და ტექნიკურ წვრილმანით. სამუშაო ფუნქციები მოიცავს: ურთიერთობას სტუმრებთან და თანამშრომლებთან; სამედიცინო გადაუდებელი მომსახურების, გაყიდვების, ელექტრო ენერგიის შეწყვეტისას პროცედურების, გადატვირთვისას სტუმართა მოვლის გაადვილებას და ფრონტ–ოფისისათვის საჭირო  კომპიუტერული სისტემების დიზაინს; ორგანიზაციულ თანამშრომლობას მარკეტინგის დირექტორთან, მაკონტროლებელთან, სურსათისა და სასმელის მენეჯერთან, კატერინგის მენეჯერთან და სხვ. საქმიანობის ეს უნარები მოითხოვს ადამიანისაგან უამრავი საკითხის მოგვარებას, კორპორაციული მენეჯემენტის კონცეფციაზე დამყარებული სწრაფი გადაწყვეტილებების მიღებას, თანამშრომლების უფლებებით აღჭურვას და დახვეწილ საკომუნიკაციის ტექნიკას.

ბარსი (Bardi, 1990) ასე აღწერს: „ფრონტ–ოფისის მენეჯერმა უნდა ითამაშოს აქტიური როლი სტუმართა ინტერესების შესახებ ინფორმაციის შეკრებაში და ფრონტ–ოფისის პროცედურების შემუშავებაში ამ ინფორმაციის მოძიების თაობაზე“. ეს ინფორმაცია, ასევე, ესაჭიროება სხვადასხვა დეპარტემენტებს მასპინძლობის ორგანიზებისა და მიწოდებაში დახმარების გასაწევად.

  

ფრონტ–ოფისის კომუნიკაციები

დეპარტამენტებს შორის კომუნიკაციები

დეპარტამენტი	ინფორმაცია, რომელიც გადის ფრონტ–ოფისიდან
მარკეტინგისა და გაყიდვების	სტუმობის ისტორიები, ჯავშანი, პირველი შთაბეჭდილებები, წინა ცვლის მესიჯები, ინფორმაცია სტუმრებზე
დალაგების	ოთახების სტატუსი, უსაფრთხოების საკითხები, მოთხოვნები ოთახებისათვის აღჭურვილობასა და ჰიგიენურ საშუალებებზე
სურსათისა და სასმელის	წინა ცვლის მესიჯები, ვაუჩერებზე ზუსტი ინფორმაცია, ხარჯების გადაგზავნა სტუმართა ანგარიშებზე, გადახდები
საბანკეტო	ინფორმაცია დაგეგმილ ღონისძიებებზე, დაგეგმილ ღონისძიებებზე სტუმართა დარიცხვების პროცესირება, დღიური ფუნქციონირების დაფის მომზადება, საჯარო კომუნიკაციების გაგზავნა
მაკონტროლებელი	ფინანსური გადარიცხვების დღიური ჯამი, ფინანსური მონაცემები დარიცხვებისათვის, საკრედიტო ბარათების რეგისტრირება
საინჟინრო	ოთახების სტატუსი, სტუმართა მოთხოვნები საინჟინრო მომსახურებაზე
უსაფრთხოების	სახანძრო უსაფრთხოება, გადაუდებელი საკომუნიკაციო ინფორმაცია, სტუმართა უსაფრთხოების საკითხების გამოძიება
ადამიანური რესურსების	პოტენციური თანამშრომლებთან კონტაქტისა და სკრინინგის საწყისი წერტილი

ამგვარად, ფრონტ–ოფისის მენეჯერმა უნდა შეასრულოს აქტიური კომუნიკატორისა და საქმიანობის შემმსუბუქებლის როლი. სასტუმროს ამ აღმასრულებელმა უნდა გააანალიზოს და ის ინფორმაცია, რომელიც სტუმრებს სავარაუდოდ დასჭირდებათ და დაადგინოს ის დეპარტამენტები, რომლებმაც უნდა უზრუნველყონ ამ მოთხოვნების შესრულება.

ერთი დღე ფრონტ–ოფისის მენეჯერის ცხოვრებაში

ფრონტ–ოფისის მენეჯერის საქმიანობის შემდგომი ელემენტები ნათლად ჩანს მისი ჩვეულებრივი დღის საქმიანობის განხილვით.

·         ეცნობა ღამის აუდიტის ანგარიშს.

·         ეცნობა დღის მანძილზე შემოსულ ჯავშნებს.

·         გადასცემს ინფორმაციას  ყველა ცვლის ხელქვეითებს ჯავშნის, ოთახების განაწილების და ოთხებში არსებული ინვენტარის თაობაზე.

·         გადასცემს ინფორმაციას სხვა დეპარტამენტებს – დალაგების, მარკეტინგისა და გაყიდვების, საბანკეტო, სურსათისა და სასმელის, საინჟინროს და უსაფრთხოების.

·         აგვარებს სტუმართათვის თანხების დარიცხვის გაუგებრობებს და სხვა საჩივრებს.

·         ამზადებს ბიუჯეტს გენერალურ მენეჯერთან და მაკონტროლებელთან ერთად.

·         აკეთებს პროგნოზს.

·         აწყობს ბიზნეს–შეხვედრებს ოთახების გაყიდვის პრომოუშენისათვის.

·         ეხმარება ჩეკ–ინსა და ჩეკ–აუთში, ჯავშნის დამოწმებაში, რეზერვაციის სისტემის განახლებაში.

·         ფრონტ–ოფისის პოტენციურ თანამშრომლებს უტარებს ინტერვიუს.

·         ურთიერთობს ღამის აუდიტორთან.

·         უვლის ფრონტ–ოფისის აღჭურვილობას.

            ეს ჩამონათვალი აჩვენებს ფრონტ–ოფისის მენეჯერის მიერ სამუშაო დღის განმავლობაში შესრულებული საქმიანობის მხოლოდ ნაწილს. ფრონტ–ოფისის მენეჯრი, ასევე, მუდმივად უნდა ანხორციელებდეს მთელი იმ საქმიანობის კონტროლს, რაც ზეგავლენას ახდენს სტუმრისათვის მასპინძლობის გაწევაზე – სასტუმროს ფინანსური წარმატების მთავარ ფუნქციაზე.

           თუ სტუმრისათვის მასპინძლობის გაწევა ფრონტ–ოფისის მენეჯერის მთავარი მოვალეობაა, მაშინ რა არის სასტუმროს ოპერირების ამ ქვესისტემის კომპონენტები? როგორ შეუძლია ფრონტ–ოფისსა და მის მენეჯერს მათი მორგება? ამაზე პასუხს სასტუმროში სტუმართა მომსახურების ციკლის გაცნობით მივიღებთ. თუ ფრონ–ოფისის მენეჯერი აანალიზებს სხვადასხვა დეპარტამენტებისა და სტუმრების კონტაქტებს, მაშინ მან კარგად იცის თუ როგორ ერთვება ფრონტ–ოფისი მასპინძლობის მომსახურებათა ეფექტიან განხორციელებაში. სადეპარტამენტო კონტაქტების პოტენციური ციკლი ასეთია:

მარკეტინგი – მომხმარებელთა გამოკითხვების მომზადება სტუმართა კმაყოფილების, რეკლამირების მეთოდების საკითხებზე და მათი ადმინისტრირება.

ჯავშნი –ჯავშნის სისტემის შემუშავება და მონიტორინგი უფასო ზარებთან, ფაქსთან, დაჯავშნის სისტემასთან დაკავშირების გასაადვილებლად პერსონალურად დაჯავშნის, გაუქმების, თავისუფალი ოთახების არსებობის, თანმხვედრი მომსახურებების და პროდუქტის თაობაზე და ზოგადი ინფორმაციის მისაღებად.

რეგისტრაცია – რეგისტრაციის სისტემის შემუშავება და მონიტორინგი სტუმართა ტრანსპორტირების სისტემის, მიღებისას სტუმართან პირველი კონტაქტის მენეჯმენტის საკითხებზე; ბარგთან დაკავშირებულ საკითხებზე დახმარების გაწევა; ეფექტიანი ჩეკ–ინ პროცედურის ორგანიზება; ოთახბის სტატუსის სისტემის მოვლა; საკრედიტო ბარათების პროცესირება;  სტუმართა ინფორმირების სისტემის ოპერირება, რომელიც ახდენს  სტუმართან მთელი კონტაქტების ცენტრალიზებას დალაგების, სურსათისა და სასმელის, საინჟინრო საკითხების და სხვ. შესახებ.

სტუმრობის პერიოდში – სტუმართა კომუნიკაციების კოორდინირება ყველა სხვა დეპარტამენტთან სტუმრების კმაყოფილების უზრუნველსაყოფად რესტორნებში, ბარებში, ოთახებში მომსახურებაში, საჩუქრების მაღაზიებში, დალაგების, უსაფრთხოების საკითხებში და სხვ.

ჩეკ–აუთი – ეფექტიანი ჩეკ–აუთის სისტემის შემუშავება და განხორციელება ელასტიკური ჩეკ–აუთის საათების კოორდინირება, ბარგთან დაკავშირებულ საკითხებზე დახმარების გაწევა; ოთახში ვიდეო ჩეკ–აუთ შესაძლებლობის განხორციელება, სტუმართა რიგითობის მონიტორინგი და ზუსტი ქვითრების გაცემის უზრუნველყოფა.

              სტუმართა მომსახურების ციკლში შემავალი ამ კომპონენტების ნუსხა მოითხოვს ფრონტ–ოფისის მენეჯერისაგან ფართო არეალის სამუშაოს შესრულებას მასპინძლობის მომსახურებების სტუმრისათვის მისაწოდებლად. თუმცა, საჭიროა კიდევ ერთი საკითხის მოგვარება, რათა ფრონტ–ოფისი გახდეს თანამედროვე მასპინძლობის მომსახურების მიწოდების რეალობის შესაბამისი. ესაა – თანამშრომელთა აღჭურვა უფლებებით.

             ფრონტ–ოფისის მენეჯერის როლი მოითხოვს კომუნიკაციის, ოპერაციული დეტალებისა და მზარდი უფლებამოსილების საკითხებში პროფესიონალიზმს. ამ როლის გამომწვევი და მიმზიდველი ბუნება საშუალებას აძლევს მასპინძლობის ახალ პროფესიონალებს გამოსცადონ სხვადასხვა გზები პერსონალს შორისი ურთიერთობის უნარების მოსახვეჭად, რაც მომგებიანია სასტუმროსათვის. ესაა გამოწვევა, რომელიც მთელი ცხოვრების განმავლობაში გრძელდება.

შემოსავლების მენეჯმენტი.

შემოსავლების მენეჯმენტი, როგორც ტერმინი, სულაც არაა აღმაფრთოვანებელი. თუმცა, წარმატებულად განხორციელებული შემოსავლების მენეჯმენტის პროგრამა ნამდვილად აღმაფრთოვანებელია. სწორად დანერგილი, ეს ნიშნავს, რომ ბიზნესს შეუძლია მეტი ფულის შოვნა. მთავარია მეტი გაყიდო და გაყიდო მეტი მომგებიანი მომსახურებები.

              პირველი ნაბიჯი შემოსავლების მენეჯმენტის პროგრამა არის იმის დადგენა, თუ ვინაა საუკეთესო მომხმარებელი. უკეთესი მომხმარებელია ის, ვინც ხარჯავს მეტ თანხას სასტუმროში მომგებიანი მომსახურებების შეძენაში. საუკეთესო მომხმარებელია ის, რომელიც იღებს დიდ სარგებელს სასტუმროს მომსახურებებიდან. ისინი მზად არიან გადაიხადონ მეტი თანხა, იყიდონ უფრო ხშირად და დარჩნენ ლოიალურნი იმის გამო, რომ სასტუმრო აკმაყოფილებს მათ მოთხოვნებს. ბევრმა ბიზნესმა არ იცის თუ ვინაა მისი საუკეთესო მომხმარებელი. პასუხი ძევს სასტუმროს მონაცემთა შეკრების სისტემაში. სტუმართა ისტორიები, სურსათისა და სასმელის ქვითრები, ნაღდი ფულის გადახდის რეგისტაცია და სტრატეგიულად დაკავშირებული ბიზნესების ანგარიშები მოიცავს იმ ინფორმაციას, რომელიც ესაჭიროება სასტუმროს იდეალური მომხმარებლების ბაზის დადგენაში. შემოსავლების მენეჯმენტის პროექტის სწორად დანერგვისათვის სასტუმრო უნდა განიხილებოდეს როგორც მომგებიანი ცენტრების კრებული. მომგებიანი ცენტრი არის ადგილი, სადაც ღირებულება იქმნება და ხდება მისი გადაცვლა ფულზე.

თითოეული მომგებიანი ცენტრის პოტენციალის ანალიზის მნიშვნელოვანი ნაწილია შემოსავლების ყველა შესაძლო წყაროს იდენტიფიცირება. ეს ნიშნავს ორი საკითხის გაანალიზებას: წერტების, რომლებიც შემოსავლის მომტანები არიან და ხალხის, რომელიც ფულის გადამხდელია. თითოელ სასტუმროს აქვს უამრავი შემოსავლიანი წერტი, როგორებიცაა: ოთახების გაყიდვა, ყვავილების მოტანის სერვისი, განსაკუთრებული სასმელები, სიგარები და სხვა მომსახურებები.

მოგება წარმოადგენს ერთადერთ ჭეშმარიტ საზომს ბიზნესის წარმატებისა. შემდეგი ჯგუფები იღებენ სარგებელს მოგების გაზრდიდან:

      სტუმრები – არიან გაზრდილი შემოსავლებისა და მოგების უმთავრესი ბენეფიციარები, როდესაც შემოსავლები იზრდება, ეს ნიშნავს მხოლოდ ერთ რამეს: შენ ემსახურები სტუმრეს უკეთესად. ისინი უფრო კმაყოფილნი არიან, უფრო ლოიალურნი და მზად არიან მოუჯვნენ სხვებს ამ კარგი შთაბეჭდილებების შსახებ.

     თანამშრომლები – ხანგრძლივი წარმატების მისაღწევად, თანამშრომლები ჩართულნი უნდა იყვნენ მოგების გაკეთებასა და მიღებაში. მიეცით უფლება მიიღონ მეტი ფული, თუ ისისნი მოუტანენ მეტ ფულს სასტუმროს.

  მენეჯმენტი – სტრუქტურირებული დაჯილდოვების სისტემები აუცილებელია მენეჯმენტისათვის. ეს სისტემები ასახავენ მათ საჭიროებას სასტუმროსათვის შემოსავლის და შემდგომ მოგების მოსატანად.

    აქციონერები და ინვესტორები – ინვესტიციის დაბრუნება, ზრდა, აქციის ფასები და ა.შ. ყველაფერი წარმოადგენს შემოსავლების ზრდია შედეგს. ფული იზიდავს ფულს და ინვესტორებს იზიდავთ მათი ინვესტიციის გრძელვადიანი ზრდის პოტენციალი.

შემოსავლების მენეჯმენტის სისტემის დანერგვის ძალისხმევაში მენეჯერებს 6 ძირითადი სირთულე ელოდებათ. ესენია:

• კრეატიულობის დეფიციტი
• ყურადღების დეფიციტი
• არასწორი ნიშნების მონიტორინგი
• კონფლიქტი გაყიდვებსა და მომსახურებას შორის
• არასწორი მომხმარებლის ამოღება მიზანში
•   არასწორი ქცევის თანამშრომლების წახალისება.

     შემოსავლების მენეჯემენტი საჭიროებს სტუმრების მოსალოდნელი ქცევის ცოდნას და იმის გაგებას, თუ რომელი ბიზნესია ყველაზე სარგებლიანი სასტუმროსათვის. შემოსავლების მენეჯემენტის სამი მთავარიი კონცეფცია საშუალებას აძლევს სასტუმროს, რომ შემოუვიდეს შედარებით იოლი შემოსავალი. ეს სამი კონცეფციაა:

 ·    შემოსავლების მენეჯმენტის სისტემის გამარტივება იმდენად, რომ შესაძლებელი იყოს მისი მენეჯმენტი; 

·    ოთახების ტარიფების კონტროლის განხილვა იმაში დასარწმუნებლად, რომ ისინი მისაღებია წარმატებული ბიზნესისათვის;

· სასტუმროში სტუმართა დარჩენის ხანგრძლივობის კონტროლის გამოყენება მოთხოვნის გადასატანად სრული დატვირთვის პერიოდიდან ნაკლები დატვირთვის პერიოდზე.

ამ კონცეფციების დანერგვის შემდეგ რამოდენიმე თვეში სასტუმრომ უნდა მოიტანოს შემოსავალი.

ფრონტ–ოფისზე უკეთესი წარმოდგენის შექმნისათვის განვიხილოთ თუ რა ძირითადი ოპერირებები მიმდინარეობს იქ. 

ბელ–სტენდი

ეს სამსახური მნიშვნელოვანია, რადგან ისინი არიან პირველნი და ბოლო სასტუმროს სტაფიდან, ვისაც სტუმარი ხედავს. ახალ სასტუმროებში ტრადიციულად ეს სტაფი წარმოდგენილია კონსიერჟით და ბელ–ბოითი. როგორც წესი, კონსიერჟი ყველაზე კარგად იცნობს ადგილობრივი სანახაობებს და ყველგან ჰყავს ნაცნობი იმისათვის, რომ შესთავაზოს სტუმრებს განსაკუთრებული მომსახურება.

კონსიერჟის საქმიანობა მოიცავს:

•         შოულობს ბილეთებს პოპულარულ სპექტაკლებზე;

• გამოძებნის რესტორანში მაგიდას მაშინაც კი, როდესაც  ყველა მაგიდა დაკავებულია;

• იძლევს რჩევებს კარგი რესტორნების, ადგილობრივი ღირშესანშნაობების, გასართობი დაწესებულებების თაობაზე;

•         ჯავშნის ავიაბილეთებს;

•         სტუმრების დავალებით ყიდულობს სხვადასხვა ნივთებს;

•         და, ასრულებს სტუმრების სხვადასხვა დავალებებს, როგორც წესი, დამატებითი ანაზღაურების ფასად.

ბელ–ბოის ძირითადი საქმიანობა მოიცავს: შემომავალი და მიმავალი სტუმრის ბარგის მოვლა, სტუმრის შეგებება სასტუმროს ფოიეში ბარგის ჩამორთმევა და სტუმრის მახლობლად ყოფნა კითხვებზე პასუხის გასაცემად ან რაიმე თხოვნის შესასრულებლად. სხვადასხვა სასტუმრო ქსელებში მათ მეტ–ნაკლებად განსხვავებული ფუნქციები აკისრიათ.

როგორც წესი, ბელ–სტენდი განთავსებულია მთავარი შესასვლელის მიმდებარედ და ადვილად მისაღწევია როგორც სტუმრების, ისე სტაფისათვის. იმის გამო, რომ ბელ–სტენდი განთავსებულია ხალხით გადატვირთულ ადგილას და არის პირველი, რასაც ხედავს სტუმარი სასტუმროში, აიძულებს სასტუმროს იმის უზრუნველყოფას, რომ სტუმართა პიტველი და ბოლო შტაბეჭდილებები იყოს პოზიტიური.

ფრონტ–დესკი

ფრონტ–დესკი არის ადგილი, სადაც სტუმრისა და სტაფის ყველაზე ინტენსიური ურთიერთობა. იგი აწარმოებს სტუმართა ჩეკ–ინსა და ჩეკ–აუთს, თითოული მათგანის ანგარიშებს, მენეჯმენტს უწევს ოთახების ინვენტარს, ანაწილებს სტუმრებს ოთახებში. 

იგი ყველაზე მეტად დატვირთული სამსახურია სასტუმროში და ყველაზე მნიშვნელოვანი წერტილი ინფორმაციის მოსაპოვებლად, საჩივრებისა და თხოვნების წარსადგენად. საერთოდ ფრონტ–დესკი განთავსებულია ფოიეში, მთავარი შესასვლელიდან და ლიფტებიდან ადვილად მისაღწევ ადგილას. არსი მდგომარეობს იმაში, რომ სწრაფად დაინახონ სტუმარი და დროულად მივიდნენ მასთან მისასალმებლად და საჭირო დახმარების აღმოსაჩენად.

ფრონტ–დესკი დაყოფილია ერთნაირად აღჭურვილ სამუშაო ადგილებად. მათი რაოდენობა დამოკიდებულია სასტუმროს სიდიდეზე. კარგ წესად ითვლება ერთი სამუშაო ადგილის ქონა სასტუმროს ყოველ 100 ოთახზე. უმნიშვნელოვანესია ფრონტ–დესკის მუდმივად მოვლილად და ორგანიზებულად ქონა, რადგან ისინი მუდამ სტუმართა პირდაპირი ხედვის არეში არიან და ასახავენ სასტუმროს ოპერირებას.

ფრონტ–დესკის უმთავრესი ამოცანაა სტუმართა ჩეკ–ინსა და ჩეკ–აუთის განხორციელება. ჩეკ–ინის განმავლობაში უნდა შემოწმდეს ინფორმაცია სტუმრის ჯავშნის თაობაზე. ეს იმფორმაცია მოიცავს დარჩენის ხანგრძლივობას, მოხოვნილი ოთახის ტიპს, ოთახის ტარიფს, განსაკუთრებულ მოთხოვნებს, გადახდის ფორმას და სხვ. ამ ინფორმაციის გადამოწმება მნიშვნელოვანია, რათა თავიდან იქნეს აცილებული გაუგებრობები გადასახადის დაანგარიშების პროცესში და შედარებისას ჩეკ–აუტის დროს და ასევე, განთავსებისას თავისუფალი ოთახის არსებობის სიზუსტის უზრუნველსაყოფად.

გაუგებრობებმა გადასახადის დაანგარიშების პროცესში შეიძლება მოითხოვოს დიდი დრო გარკვევისათვის და ამით შეუქნას უხერხულობა სტუმარს. ამიტომ ოთახის ტარიფი უნდა იქნეს გარკვეული ჩეკ–ინის პროცესში. გაუგებრობები გადასახადის დაანგარიშებისას წარმოადგენს სტუმართა საჩივრების უმთავრეს მიზეზს.

ასევე, მნიშვნელოვანია სტუმრის სასტუმროში გაჩერების ხანგრძლივობის ზუსტი დადგენა მიღებისას. თუ სტუმრის ჩეკ–აუთის მონაცემები არაზუსტია და საჭიროებს გაგრძელებას, ხოლო ოთახი უკვე გაქირავებულია სხვა სტუმრისათვის – ეს იწვევს დიდ პრობლემას. პირიქით შემთხვევაში კი – შესაძლებელია სასტუმრომ დაკარგოს ადრე გამონთავისუფლებული  ოთახის გაქირავების შანსი და დაკარგოს შემოსავალი. ამიტომ, სიზუსტე მეტად მნიშვნელოვანია სასტუმროს მაქსიმალური შემოსავლების  მიღებისათვის.

ოთახის სწორი ტიპი და მდებარეობა შესაძლოა უმთავრესი იყოს სტუმრის კმაყოფილებისათვის. დაჯავშნისას ოთახის შერჩევა წარმოადგენს ტრენინგისა და გამოცდილების საკითხს, რადგან ამ დროს გარკვეული ასპექტებია გასათვალისწინებელი. მნიშვნელოვანი კრიტერიუმების თანმიმდევრობა დამოკიდებულია ოპერაციული პროცედურების ადგილობრივ ან კორპორატიულ სტანდარტებზე.

ტარიფი: სელექციის ეს კრიტერიუმი მეტად სუბიექტურია. თუ ორი სტუმარი ითხოვს ერთნაირი ოთახის ტიპს, შესაძლოა მოგინდეთ უკეთესი ოთახის მიცემა სტუმრისათვის, რომელიც იხდის უფრო მაღალ ტარიფს.

გაჩერების ხანგრძლივობა: სტუმარი, რომელიც შემოვიდა სასტუმროში გვიან და ჩერდება ერთი ღამით ნაკლებად იზრუნებს ფანჯრიდან კარგი ხედზე, ვიდრე სტუმარი, რომელიც ოჯახთან ერთად რჩება სასტუმროში რამოდენიმე დღით (აქ გამოდგება სწორი სეგმენტაციის კონცეფცია).

სასტუმროსადმი ლოიალობა/ხშირი სტუმრის პროგრამის წევრობის დონე: მწვავე კონკურენციის პირობებში ლოიალობა ხდება უფრო და უფრო მნიშვნელოვანი. თითქმის ყველა სასტუმრო ქსელს გააჩნია ხშირი სტუმრებისათვის პროგრამა, რომელიც სთავაზობს მათ წევრობის სხვადასხვა დონეს კომპანიის სასტუმროების ქსელში გატარებული ოთახ/დღეების რაოდენობიდან გამომდინარე. ეს სარგებელი გამოიხატება ოთახის ტიპსა და გაუმჯობესებულ გარანტიებში.

დაჯავშნის გარანტიები: ბევრმა კორპორაციამ შეიმუშავა დაჯავშნის გარანტიების კონცეფცია. მაგალითი მოიცავს ოთახის ტიპის, საწოლის სახეობის, მოწევასთან დაკავშირებულ საკითხების და სხვ. გარანტიებს დაჯავშნისას. ბევრი კომპანია სთავაზობს სტუმრებს ფულად კომპენსაციას თუ ეს გარანტიები არ იქნა დაცული ჩეკ–ინისას.

VIP დონეები: სასტუმროებს აქვთ ინდივიდუალური VIP დონეები, რომლითაც აღნიშნავენ სტუმრის მნიშვნელობას ჩეკ–ინისას. ეს დონე უნდა მოიცავდეს განსაკუთრებულ ოთახებში განთავსებას და ჩეკ–ინის პროცედურებს (მაგალითად, გენერალური ან რომელიმე მენეჯერი აცილებს ასეთ სტუმარს ოთახამდე).

და ბოლოს, განსაკუთრებული თხოვნა დაჯავშნისას შესაძლოა ეხებოდეს ალერგიებს, ბავშვთან დაკავშირებულ პრობლემებს, და სხვ. სასტუმროს მენეჯმენტის სისტემებს გააჩნიათ კოდები, რომლებიც ასახავენ ამგვარ მოთხოვნებს.

ოთახების სტატუსის კოდები

VR	(Vacant and Ready) – თავისუფალია და მზადაა ოთახითავისუფალია, დალაგებულია, გაიარა ინსექტიზაცია და მზადაა სტუმრისთვის
VC	(Vacant and Clean) - თავისუფალია და დალაგებული ოთახლი თავისუფალია და დალაგებულია. ესაჭიროება დამატებითი ყურადღება. მზად არაა სტუმრის მისაღებად
VD	(Vacant and Dirty) - თაბისუფალი და დაულაგებელი ოთახი თავისუფალია, მაგრამ დაულაგებული, სტუმრისთვის არაა მზად
OR	(Occupied and Ready) – დაკავებული და გამზადებული თავისუფალია მაგრამ ჯერ არაა დალაგებული, სტუმრის მისაღებად არაა მზად
OC	(Occupied and Clean) - დაკავებული და დალაგებული ოთახი დაკავებულია და დალაგებული, ესაჭიროება დამატებითი ყურადღება, ახალ სტუმარს ვერ მიიღებს
OD	(Occupied and Dirty) - დაკავებული და დაულაგებელი ოთახი დაკავებულია, მაგრამ დასალაგებელია და მზად არაა ახალი სტუმრის მისაღებად
CO	(Check-Out) – თავისუფლდება ოთახი თავისუფლდება დღის განმავლობაში, ახალი სტუმრისთვის მზად იქნება დალაგების შემდეგ
OO	(Out of Order) – მწყობდრიდანაა გამოსული ოთახს ესაჭიროება რემონტი ან რაიმეს შეკეთება, გადახალისება, მზად არაა სტუმრის მისაღებად
DND	(Do Not Disturb) – არ შეაწუხოთ ოთახი დაკავებულია და სტუმარს არ სურს ვინმეს ნახვა. ასეთი წარწერის დროს ოთახი არ ლაგდება
V/O an O/V	(Status Unclear) – გაურკვეველი სტატუსი საჭიროა შემოწმება ოთახი დაკავებულია თუ არა